«Պահն է, որ պետական բոլոր ինստիտուտներն ազգային դավաճանին հայտարարեն օրենքից դուրս». Հայկ Մարտիրոսյան

Քաղաքագետ Հայկ Մարտիրոսյանը ֆեյսբուքյան իր էջում գրել է․ «Պահն է, որ վերջապես պետական բոլոր ինստիտուտները՝ Սահմանադրական դատարանը, Բարձրագույն դատական խորհուրդը, խորհրդարանական ընդդիմության առաջնորդները և երկրի նախագահն ազգային դավաճանին հայտարարեն օրենքից դուրս, ոչ լեգիտիմ, և հեղաշրջում կատարած անձ:

Զուտ իրավական առումով՝ անգամ բանավոր պաշտոնական հայտարարությունը բավական է:

Դրանով գոնե հետագայում հնարավոր կլինի գոնե մի փոքր շանս ունենալ՝ միջքզգային ասպարեզում հասնել նրան, որ այս օրերին կատարվածը և դավաճանի երկու ստորագրություններն անվավեր են եղել:

Դա թույլ կտա Հայաստանի ապագա ազգային իշխանություններին խնդիրը լուծել ռազմականորեն և դրանով ապահովել Հայաստանի հետագա գոյությունը:

Միաժամանակ դա թույլ կտա միջազգային աջակցություն ստանալ կամ գոնե չհանդիպել ընդդիմության:

Կանե՞ն այդ բոլոր վերոնշյալները դա ամսի 11-ի ճակատագրական օրվանից առաջ, թե՞ ոչ:

Թերևս՝ ոչ:

Ինչո՞ւ: Որովհետև Հայաստանում սարսափը գործընթացը ուղղորդող և երաշխավորող Ռուսաստանից՝ գերակայում է սեփական գոյության միակ երաշխիքի հանդեպ:

Եվ դա է մեր ազգային խայտառակությունն ու վախը»: