«Տպավորություն ունեմ, որ Բաքուն «չորով» Նիկոլի առաջ դնելու է գերիների վերադարձման նախապայման». Սուրեն Սուրենյանց

Քաղաքագետ Սուրեն Սուրենյանցը ֆեյսբուքյան իր էջում գրել է. «Նիկոլը պարտության սիմվոլ է ու չի կարող այս դիլեմայի լուծումը գտնել արժանապատվության դիրքերից․․. Փաշինյան-Ալիև-Պուտին վաղվա հանդիպման օրակարգի մասին պաշտոնական տեղեկատվություն տարածեցին թե՛ Մոսկվան և թե՛ Երևանը։

Երկու օֆիցիոզ տեքստերի նույնիսկ ոչ մասնագիտական անալիզը բացահայտում է դրանց էական տարբերությունները։ Եթե Մոսկվայում կարևորում են կոմունիկացիաների ապաշրջափակմանը վերաբերող հարցերն ու ոչ մի առանձին անդրադարձ չկա գերիների ու անհետ կորածների խնդրին, ապա երևանյան տեքստում այդ հարցն առաջնահերթություն է։

Չգիտեմ՝ գուցե հոռետես եմ, բայց տպավորություն ունեմ, որ Բաքուն հերթական անգամ «չորով» Նիկոլի առաջ դնելու է գերիների վերադարձման նախապայման՝ ձգտելով Ադրբեջանն ու Նախիջևանն իրար կապող ճանապարհը դուրս դնել հայկական վերահսկողությունից։

Նիկոլը պարտության սիմվոլ է ու չի կարող այս դիլեմայի լուծումը գտնել արժանապատվության դիրքերից․․․»: