Ռուս խաղաղապահների համար «Спутник-V» պատվաստանյութի շուրջ 2 000 չափաբաժին է բերվել ԼՂ

Ռուս ռազմական բժիշկները սկսել են խաղաղապահների պատվաստումը։ Հայտնում է ՌԴ ՊՆ-ը։
«Նախօրեին հատուկ ջերմատարաներով «Спутник-V» պատվաստանյութի շուրջ 2 000 չափաբաժին է տեղափոխվել՝ հետագա կիրառման համար:
Պատվաստումն իրականացվելու է 2 փուլով։ Հունվարի 14-31-ն ընկած ժամանակահատվածում ամբողջ անձնակազմը կպատվաստվի 1-ին չափաբաժնով, իսկ փետրվարի 1-21-ը՝ 2-րդ։
Առաջին պատվաստանյութը ստացել են ռուսական խաղաղապահ զորախմբի հրամանատարության ներկայացուցիչները, ինչպես նաև բժշկական ստորաբաժանումների զինծառայողները»,- ասված է հայտարարության մեջ։
Նշվում է, որ պատվաստանյութը տեղափոխվել է սառեցված տարբերակով, նախքան օգտագործելն այն հալեցնում են։ Պատվաստվողները լրացուցիչ զննություն են անցնում, եթե հակացուցումներ չկան, ապա պատվաստվում են։