«Կար իրավիճակ, երբ կարող էր լինել ռազմական էսկալացիա, այդ թվում՝ դեպի բուն Սյունիք». վարչապետ

«Մի դեպքում մեզ մեղադրում են նրա համար, որ մենք տարածքներ ենք տվել, մյուս դեպքում մեղադրում են, որ տարածքները չենք տվել ինչ-որ իրադարձություններից խուսափելու համար»,- ԱԺ-ում այսօր հայտարարեց վարչապետ Նիկոլ Փաշինյանը։

Նրա խոսվքով՝ այն որոշումները, որոնք կայացվել են, «կայացվել են ռազմական նոր էսկալացիան, այդ թվում՝ Սյունիքում կանխելու և Սյունիքի անվտանգությունը ապահովելու համար»։

«Ես իմ հեռուստաուղերձում էլ ասել եմ, որ այդտեղ կար իրավիճակ, երբ կարող էր լինել ռազմական էսկալացիա, որը անցում կկատարեր դեպի բուն Սյունիքի տարածք», - ասաց վարչապետը։

Ելույթի ընթացքում նա ասաց, որ այժմ աղմուկ է բարձրացվում, թե Սյունիքի մարզից տարածքներ են զիջվել, սակայն, ըստ Փաշինյանի, Սյունիքից ոչ մի տարածք, ոչ մի միլիմետր չի զիջվել. «Սյունիքի էն տարածքը, որն այսօր գոյություն ունի, արձանագրված է 2010 թ. ՀՀ «Վարչատարածքային բաժանման մասին» օրենքով», - հայտարարեց Փաշինյանը։