#COVID_19-ի դեմ պատվաստանյութերից մահվան դեպքեր չեն գրանցվել. ԱՀԿ

869

Հինգշաբթի, 21 հունվարի, 2021 թ., 16:45

Առայժմ կորոնավիրուսային վարակի դեմ պատվաստանյութերից մահվան որևէ դեպք չի գրանցվել։ Այս մասին հայտարարել է Առողջապահության համաշխարհային կազմակերպության փորձագետ Մարիանջելա Սիմաոն։

«Մենք ունենք պատվաստանյութ, որը լայնորեն օգտագործվում է շուկայում։ Դա Pfizer-ն է: Եվ մենք, այս պահին օգտագործվող պատվաստանյութերից մահվան որևէ դեպք չենք արձանագրել»,- ասել է նա։

ԱՀԿ ներկայացուցչի խոսքով՝ արձանագրվել են մի քանի կողմնակի բարդություններ, օրինակ՝ անաֆիլակտիկ շոկ, իսկ որոշ պատվաստվածների մոտ լուրջ ալերգիաների նկատմամբ հակվածություն է նկատվել: Սիմաոն պարզաբանել է, որ նման իրավիճակում անհրաժեշտ է բժշկական հաստատություններում հսկողության տակ պատվաստվել:

Ներկայում ԱՀԿ-ի մասնագետները գնահատում են կորոնավիրուսի դեմ ևս 12 դեղամիջոցների արդյունավետությունն ու անվտանգությունը: