Երեքշաբթի, 19 մարտի, 2024 թ.
|
Ստեփանակերտում`   +4 °C

ԱՄՆ-ում հրաձգության հետևանքով 5 մարդ է զոհվել, այդ թվում՝ հղի կին

ԱՄՆ-ում հրաձգության հետևանքով 5 մարդ է զոհվել, այդ թվում՝ հղի կին
2144
Երկուշաբթի, 25 հունվարի, 2021 թ., 12:50

Ինդիանա նահանգի Ինդիանապոլիս քաղաքում հրաձգության զոհ Է դարձել 5 մարդ, հայտնում է NBC News-ը՝ հղում անելով տեղի իշխանություններին։
Հեռուստաալիքը հայտնում է, որ ոստիկանությունը հրազենային վնասվածքներով առաջին տուժածին հայտնաբերել է տեղական ժամանակով ժամը 04:00-ին՝ քաղաքի հյուսիսարևելյան մասում: Ավելի ուշ մոտակայքում գտել են մյուս զոհվածների մարմինները։ Նրանց թվում եղել է նաև հղի կին։ Նրան տեղափոխել են հիվանդանոց, սակայն բժիշկները չեն կարողացել փրկել ոչ նրան, ոչ էլ երեխային։
Քաղաքապետ Ջո Հոգսեթը հայտարարել է, որ հանցագործությունը զանգվածային սպանության բնույթ է կրում։ Նրա խոսքով՝ հրաձգությունը «սարսափի» մթնոլորտ է ստեղծել քաղաքում։
Իր հերթին, ոստիկանապետ Ռենդալ Թեյլորը նշել է, որ այժմ պարզվում է զոհերի միջև կապը: Նա պնդել է, որ միջադեպը պատահականություն չի եղել։ Հարձակման զոհերի անունները չեն հրապարակվում, դրդապատճառը դեռ հայտնի չէ։
Ոստիկանությանը չի հաջողվել պարզել հարձակվողին, հնարավոր է, կրակողները մի քանիսն են եղել։