Հինգշաբթի, 05 նոյեմբերի, 2026 թ.
|
Ստեփանակերտում`   +12 °C

Չինաստանում ավելի քան 80 մարդ է ձերբակալվել #COVID_19-ի կեղծ պատվաստանյութ վաճառելու համար

Չինաստանում ավելի քան 80 մարդ է ձերբակալվել #COVID_19-ի կեղծ պատվաստանյութ վաճառելու համար
1028
Երեքշաբթի, 02 փետրվարի, 2021 թ., 16:15

Չինաստանի ոստիկանությունը ձերբակալել է ավելի քան 80 մարդու և առգրավել կորոնավիրուսի դեմ կեղծ պատվաստանյութի ավելի քան 3 000 չափաբաժին, հաղորդել Է «Սինհուա» գործակալությունը:
Կասկածյալները, անցած տարվա սեպտեմբերից սկսած, ներարկիչները լցրել են սովորական ֆիզլուծույթով և պատվաստանյութի անվան տակ՝ բարձր գնով վաճառել:
Կեղծ պատվաստանյութի վաճառողների ցանցը հայտնաբերվել է, նրանք գործել են Պեկինում, Շանհայում և Շանդուն նահանգում։
Չինական անգլալեզու Global Times թերթը՝ վկայակոչելով չինական պատվաստանյութերի խոշոր արտադրողին մոտ կանգնած աղբյուրին, հայտնել է, որ կեղծ պատվաստանյութ վաճառողները, օգտվելով աշխարհում պատվաստանյութի պակասից, հնարավոր է, մտադիր են եղել այն ուղարկել նաև արտասահման:

Կարդացե՛ք նաև