Ռուսաստանն ու Թուրքիան բանակցում են «Սպուտնիկ V»-ի համատեղ արտադրության շուրջ

Ուղիղ ներդրումների ռուսական հիմնադրամը (RDIF) շարունակում է բանակցությունները թուրք գործընկերների հետ՝ կորոնավիրուսի դեմ «Սպուտնիկ V» պատվաստանյութի համատեղ արտադրության շուրջ, РИА Новости-ին տված հարցազրույցում հայտարարել Է Անկարայում ՌԴ դեսպան Ալեքսեյ Երխովը:
Նշվում է, որ հիմնադրամը թուրք արտադրողի հետ համաձայնագիր է ստորագրել՝ Թուրքիայում կորոնավիրուսի դեմ «Սպուտնիկ V» ռուսական պատվաստանյութի արտադրության մասին և սկսել է տեխնոլոգիաների փոխանցումը:
Թուրքական VisCoran դեղագործական ընկերության տնօրենների խորհրդի նախագահ Օզթյուրք Օրանը հայտնել է, որ Թուրքիայում մտադիր են կորոնավիրուսի դեմ «Սպուտնիկ V» պատվաստանյութի արտադրություն սկսել՝ ինչպես սեփական կարիքների, այնպես էլ արտահանման համար:
«RDIF-ը որոշակի համաձայնագրեր ունի թուրք գործընկերների հետ: Այստեղ պետք է հասկանալ, որ յուրաքանչյուր երկիր, այդ թվում նաև Թուրքիան, ունի իր օրենսդրությունը, որը կարգավորում է դեղերի, հատկապես՝ արտասահմանում արտադրվող դեղերի ներմուծման և օգտագործման պաշտոնական գրանցման կարգը: Սա կարևոր է նաև այն պատճառով, որ Թուրքիայում դիտարկվում է «Սպուտնի V» պատվաստանյութի համատեղ արտադրության հնարավորությունը: Այսպիսով, համապատասխան աշխատանքներ են տարվում, բանակցությունները շարունակվում են»,- ասել է գործակալության աղբյուրը: