«Դատախազությունը նոր տարբերակ է հորինել, որով այս հաղորդումները նետում է աղբարկղը». Ա. Մինասյան

«Բոլոր այս հաղորդումները, որոնք ներկայացվում են պետական դավաճանության հանցադեպի հիման վրա, Դատախազությունը և Հատուկ քննչական ծառայությունն արհեստականորեն տեղափոխում են դեպի այս դաշտ՝ առանց որևէ իրավական հիմքի»,- ի պատասխան լրագրողի հարցին, թե վստահություն կա՞ դատախազության նկատմամբ, կարծիք հայտնեց ՀՅԴ անդամ Արծվիկ Մինասյանը, ով այս պահին գտնվում է Երևան քաղաքի ընդհանուր իրավասության դատարանի մոտ՝ հաջակցություն փաստաբանների:

Ներկայացնելով, թե ինչ խնդիրներ են առկա իրենց պահանջների հետ կապված, Մինասյանը նշեց. «Խնդիրն այն է, որ քրեադատավարական օրնսդրության համաձայն, հաղորդումը ներկայացնելուց հետո, պետք է կայացվի երեք որոշումներից որևէ մեկը՝ կա՛մ քրեական գործ է հարուցվում, երբ կա առիթ և հիմք, կա՛մ մերժվում է, եթե չի տեսնում առիթ ու հիմք, կա՛մ ուղարկվում է ըստ ենթակայության, որի էությունը հետևյալն է՝ հացագործության վայրում իրականացնել նախնական գործողություններ: Հիմա, դատախազությունը հորինել է մի նոր տարբերակ՝ չորրորդ տարբերակ, որով, ըստ էության, բոլոր այս հաղորդումները նետում է աղբարկղ»:

Ըստ Մինասյանի՝ փաստաբանների այսօրվա պահանջը հետևյալն է. «Դատախազությո՛ւն, դու իրավունք չունես Սահմանադրություն և օրենքի խախտում թույլ տալու: Դու պետք է կայացնեիր այս երեք որոշումներից որևէ մեկը»,- ասաց նա:

Հարցին՝ ի՞նչ ակնկալիքներ ունի դատարանից, ՀՅԴ անդամը պատասխանեց. «Ակնհայտ է, որ դատարանը պետք է բավարարի այս պահանջը, հակառակ դեպքում ստացվում է, որ դատական իշխանությունն էլ է ապօրինի գործողությունների տիրույթում»: