Հինգշաբթի, 21 սեպտեմբերի, 2023 թ.
|
Ստեփանակերտում`   +13 °C

«251 հարց՝ ուղղված կառավարությանը. ծանրաբեռնելու իմաստը չեմ տեսնում». Տիգրանյանը՝ Խաչատրյանին

«251 հարց՝ ուղղված կառավարությանը. ծանրաբեռնելու իմաստը չեմ տեսնում». Տիգրանյանը՝ Խաչատրյանին
696
Երեքշաբթի, 16 փետրվարի, 2021 թ., 13:30

Այսօր՝ կորոնավիրուսի դեմ պայքարի պարետատան գործողություններն ուսումնասիրող քննիչ հանձնաժողվի նիստի ժամանակ, «Իմ քայլը» խմբակցության պատգամավոր Հերիքնազ Տիգրանյանը նշեց, որ հանձնաժողովի իմքայլական անդամները որևէ հարց չեն առաջադրել և հարցաշարի կազմմանը չեն մասնակցել:

«Սա Լուսավոր Հայաստան և Բարգավաճ Հայաստան խմբակցությունների հանձնաժողովների կազմած հարցաշարն է և բավականին ծավալուն է»,- ասաց պատգամավորը, ապա դիմելով հանձնաժողովի նախագահ, ԼՀԿ խմբակցության պատգամավոր Արկադի Խաչատրյանին, նկատեց, որ հարցերը կարող էին լինել ավելի կոնկրետ և սահմանափակ:

«Պետական մարմիններին ուղղվող հարցումներն ավելի շատ պետք է միտված լինեն որոշակի վիճակագրական տվյալների տեղեկատվության հայցմանը: Այս հարցաշարում կան ավելի շատ գնահատողական հարցեր, որոշ դեպքերում նաև պնդումներ, և ձևակերպված հարցը որևէ միտում չունի կոնկրետ տեղեկատվություն ստանալու հետ: Հարցաշարն ավելի թեթև կլիներ, եթե, օրինակ, բաց աղբյուրներում առկա ինֆորմացին դուք նորից չհայցեիք պետական մարմիններից: Օրինակ՝ հարցերից մեկն է, թե երբ է հայտարարվել պանդեմիան: Հարցաշարն էս հարցով ծանրաբեռնելու իմաստը չեմ տեսնում»,- հավելեց Տիգրանյանը:

«251 հարց՝ ուղղված կառավարությանը. ծանրաբեռնելու իմաստը չեմ տեսնում». Տիգրանյանը՝ Խաչատրյանին