«Այս պատերազմի կառավարմանն անհարկի միջամտություններ են եղել ոչ կոմպետենտ մարդկանց կողմից»․ Ս․ Սարգսյան

«Այս պատերազմի կառավարմանը անհարկի միջամտություններ են եղել, անհարկի, անտեղի, և ոչ կոմպետենտ մարդկանց կողմից»,- «Արմյնուզ» հեռուստաընկերությանը տված հարցազրույցում ասաց ՀՀ երրորդ նախագահ Սերժ Սարգսյանը։

Հարցին՝ արդյոք վարչապետի կնոջը նկատի ունի, Ս․ Սարգսյանը պատասխանեց, որ կանանց հետ գործ չունի, ուրիշներին էլ նկատի ունի. «Իրեն գերագույն հրամանատար հռչակածն էլ այնքան կոմպետենտ է, որ կարող էր անե՞ր: Այս կապիտուլյացիայի պատճառ դարձած հանրահայտ օպերացիան ինքն է անձամբ լսել ու հավանություն տվել: Խոսքը Լելե Թեփեի բարձունքի մասին է»,- ասաց նա:

Սարգսյանի խոսքով՝ ամեն անգամ պարտադրվել է բեկում մտցնել ռազմական գործողություններում, ինչն անթույլատրելի է․ «Բեկում մտցնելն անմիջական անպատրաստ հակահարձակումները չեն: Բեկման համար պետք է կարողանաս գրավել հարմարավետ բնագծեր, դիմավորել քո նահանջող զորքին, որպեսզի նրանք կարողանան թիկունքում լրացնել իրենց ուժերը, թարմ ուժերով կարողանաս կանգնեցնել հակառակորդին ու մտածել հակահարձակման մասին: Բայց ոչ, մտածել էին գնալ ու շրջափակման մեջ վերցնել ադրբեջանական ստորաբաժանումները, որոնք խորացել էին՝ օգտագործելով մեր աչքի լույսը, մեր լավագույն բրիգադները, ռեզերվը: Դրանից հետո ՊԲ-ն զրկված է եղել որևէ ռեզերվային փուլից: Դա եղել է հոկտեմբերի սկզբներին»,- նշեց ՀՀ երրորդ նախագահը: