Սեֆիլյանը՝ այլ ուժերի հետ համագործակցելու մասին

Ազգային-ժողովրդավարական բևեռի նախաձեռնող խմբի անդամ Ժիրայր Սեֆիլյանը լրագրողների հետ ճեպազրույցի ժամանակ ասաց, որ իրենց խնդիրն այլընտրանք դառնալն է. «Ժողովրդի բացարձակ մեծամասնությունը չի ուզում նախկինների վերադարձը, չի ուզում, որ ներկաները մեկ օր ավել մնան, ուստի վստահ ենք, որ նոր ուժի ձևավորումը մեզ հաջողվելու է...»: Հարցին՝ Ազգային-ժողովրդավարական բևեռը այլ ուժերի հետ կհամագործակցի՞, ասաց. «Անշուշտ... մինչև մարտի 16-ը բևեռը այլ ձևաչափ կստանա ու կընդլանվի: Այս ընթացքում եթե այսօրվա չակերտավոր ընդդիմադիրները ինչ-որ չափով լրջանան ու հասկանան, որ օր առաջ այս վիճակից դուրս գալու համար պետք է իրենց ամբիցիաները կողմ դնեն, ինչու չէ՝ հնարավոր կլինի ինչ-որ շրջանակների հետ, ոչ բոլորի՝ գործակցել... 17-ի շրջանակում համախմբված հին, կարկառուն օդիոզ կերպարները լավ կլինի հասկանան ու հետ քաշվեն, այլ ոչ՝ նորից վերադառնան իշխանություն. ժողովուրդը դա թույլ չի տալու»:

Տեղեկացնենք, որ Ազգային ժողովրդավարական բևեռը մարտի 16-ին հանրահավաք է անցկացնելու: