«Ակնհայտ է, որ իշխանությունները փորձում են բացառապես հենվել ուժայինների վրա»․ Էլինար Վարդանյան

ԱԱԾ շենքի առջև է գտնվում նաև «Այլընտրանքային նախագծեր խմբի» անդամ Էլինար Վարդանյանը՝ բերման ենթարկվածներին աջակցություն ցուցաբերելու նպատակով։
«Սա որևէ տրամաբանության մեջ չի տեղավորվում․ իշխանությունների հերթական ռեպրեսիվ քայլերից մեկն է»,- ասաց Վարդանյանը։
«Սրա փոխարեն լավ կանեին՝ զբաղվեին իսկապես պետության համար անհրաժեշտ գործերով։ Իրենց անգործությունը փորձում են ծածկել մտացածին քրեական գործերով»,- նշեց նա։
«Էստեղ եմ, քանի որ գիտեմ, որ ԱԱԾ գործողությունները զուգորդված են եղել բազմաթիվ խախտումներով։ Մի բան ակնհայտ է․ իշխանությունները փորձում են բացառապես հենվել ուժայինների վրա։ Փաշինյանը փորձում է այս ճանապարհով ձգել իր իշխանությունը»,- հավելեց Էլինար Վարդանյանը։