Ակցիա ԱԱԾ-ի դիմաց՝ հաջակցություն Արա Սաղաթելյանի. ՈՒՂԻՂ ՄԻԱՑՈՒՄ

Այսօր՝ փետրվարի 23-ին, քաղաքացիներն ակցիա են իրականացնում ԱԱԾ շենքի դիմաց՝ պահանջելով ազատ արձակել Ազգային ժողովի աշխատակազմի նախկին ղեկավար Արա Սաղաթելյանին:

Հիշեցնենք, որ Ազգային անվտանգության ծառայությունը ֆեյսբուքյան ֆեյք օգտատեր «Gagik Soghomonyan»-ին բացահայտելու համար ձերբակալել էր Արա Սաղաթելյանին, «Քառյակ մեդիա»-ի համահիմնադիր Կարեն Բեքարյանին, «Պառլամենտարիզմի զարգացման միջազգային կենտրոն» հասարակական կազմակերպության գրասենյակի մենեջեր Մհեր Ավագյանին և քաղաքացի Արամ Սարգսյանին։ Նրանք ձերբակալվել էին ՀՀ ՔՕ 226-րդ (կազմակերպված խմբի կողմից ազգային, ռասայական կամ կրոնական թշնամանք հարուցելը), 226.2 -րդ (կազմակերպված խմբի կողմից բռնություն գործադրելու հրապարակային կոչերը, բռնությունը հրապարակայինորեն արդարացնելը կամ քարոզելը), 307.4-րդ հոդվածների (ռազմական դրության իրավական ռեժիմի ընթացքում տեղեկությունների հրապարակման կամ տարածման կանոնները խախտելը) հատկանիշներով:

Արա Սաղաթելյանի նկատմամաբ որպես խափանման միջոց է ճանաչվել երկամսյա կալանքը: