Երկուշաբթի, 23 փետրվարի, 2026 թ.
|
Ստեփանակերտում`   +9 °C

«Տեղեկություններ կան, որ մի քանի հոգի փորձում են ԳՇ պետի և զինվորականների վրա ճնշում գործադրել»․ Ի․ Սաղաթելյան

«Տեղեկություններ կան, որ մի քանի հոգի փորձում են ԳՇ պետի և զինվորականների վրա ճնշում գործադրել»․ Ի․ Սաղաթելյան
295
Հինգշաբթի, 25 փետրվարի, 2021 թ., 23:35

«Հավաստի տեղեկություններ կան, որ մի քանի հոգի փորձում են Գլխավոր շտաբի պետի և զինվորականների վրա ճնշում գործադրել, որպեսզի հասնեն հրաժարականի»,-այս մասին Բաղրամյան պողոտայում հայտարարեց ՀՅԴ ԳՄ ներկայացուցիչ Իշխան Սաղաթելյանը:

«Մենք վստահ ենք, որ մեր բանակը, զինվորականությունը պինդ է և պետության կողքին: Սա Նիկոլ Փաշինյանի և Օնիկ Գասպարյանի կռիվը չէ, սա մեր երկիրը փրկելու համար պայքար է, մեր հայոց բանակը գիտակցելով դա կանգնել է ժողովրդի կողքին և ևս մեկ անգամ եկեք ասենք, որ կանգնած ենք բանակի կողքին»,-ասաց նա:

Իշխան Սաղաթելյանը հայտնեց, որ վաղը ժամը 13:00-ին ԱԺ-ում կրկին նիստ է հրավիրված։ Նա կոչ արեց «Իմ քայլ»-ի պատգամավորներին ներկայանալ աշխատանքի և կատարել իրենց պարտականությունները։