«Ինչո՞ւ հիմա Ձեր խնամու կողքին չեք». լրագրողը՝ Խաչատուր Սուքիասյանին

«Նախկինում ստիպողաբար է եղել: Այս պահին՝ այս երեք տարիների ընթացքում մարդիկ իրենց գիտակցությամբ են առաջնորդվում»,- լրագրողների հետ զրույցում քիչ առաջ հայտարարեց գործարար Խաչատուր Սուքիասյանը՝ «Գռզոն»՝ պատասխանելով հարցին, թե քանի՞ մարդու ներկայություն է ապահովել հանրահավաքի համար:

«Ձեր խնամին՝ Գագիկ Ծառուկյանն էլ հիմա այլ փողոցում է հանրահավաք անում, ինչո՞ւ նրա կողքին չեք»,- հետաքրքրվեցին լրագրողները:

Հարցին ի պատասխան Սուքիասյանն ասաց. «Նախ առաջինը՝ ես ոչ մեկի կողքին կանգնած չեմ: Ես ունեմ միտք, ունեմ ծրագիր, պատկերացում, թե ՀՀ-ն ինչ ձևով պետք է զարգանա: Ես բոլոր իմ բարեկամներին հարգում եմ՝ և՛ պարոն Փաշինյանին, և՛ պարոն Ծառուկյանին և՛ մնացածին, բայց ես Խաչատուր Սուքիասյանն եմ, որը ունի իր միտքը, կարծիքը»: