«Նա որոշեց ձեռքերը լվանալ և հիմա ամպագոռգոռ հայտարարություններ է անում». Արծվիկ Մինասյան

«Արմեն Սարգսյանի և Նիկոլ Փաշինյանի ստեղծած իրավիճակը հանրությանը և պետությանը տանում է բացարձակ և բացահայտ անկման»,- Դեմիրճյան փողոցում, լրագրողների հետ զրույցում՝ անդրադառնալով ՀՀ նախագահի՝ ՍԴ դիմելու հայտարարությանը, ասաց ՀՅԴ ԳՄ անդամ Արծվիկ Մինասյանը՝ կարծիք հայտնելով, որ այս լարված իրավիճակում, դա հանգուցալուծում չի կարող տալ:

«Արմեն Սարգսյանը վարվեց այնպես, ինչպես Պիղատոսը, և սա ամենադառը իրականությունն է: Նա կարող էր իրականացնել ընդամենը մեկ օր առաջ, և Օնիկ Գասպարյանին աշխատանքից հեռացնելու ապօրինի առաջարկը ՍԴ-ում վիճարկել, բայց նա որոշեց ձեռքերը լվանալ և հիմա ամպագոռգոռ հայտարարություններ է անում, թե դիմել է դատարան օրենքի դրույթը վիճարկելու համար»,- ասաց Մինասյանը