«Իշխանությունը ոչ մի զիջման չի գնացել, և դա լկտի սուտ է». Էդմոն Մարուքյան

«Ես հիմա տեղեկություն ունեմ, որ իրենք ոչ մի ընտրություն չեն ուզում անել, ես տեղեկություն ունեմ, որ իրենց ներսում մեծ խնդիր կա, նախարարներ, որոնք պատահական դարձել են նախարարներ, պատգամավորներ, որոնք բախտի բերմամբ դարձել են պատգամավոր, այս բոլոր մարդիկ դեմ են ընտրություններին։ Առանց նախապայմանների մենք պատրաստ ենք ընտրություններին, դա նշանակում է՝ ցրեք խորհրդարանը, գնացեք արտահերթ ընտրությունների»,- ԱԺ-ում, լրագրողների հետ զրույցում՝ անդրադառնալով երկրում ստեղծված ճգնաժամին, ասաց «Լուսավոր Հայաստան» խմբակցության ղեկավար Էդմոն Մարուքյանը։

«Իշխանությունը ոչ մի զիջման չի գնացել, և դա լկտի սուտ է, և մենք հերիք ու բոլ եղավ, որ այդ թելը թելենք։ Ոնց որ Շուշին է ընկել, այդպես էլ այս իշխանությունն է ընկնելու, այսինքն՝ այնքան ձգում է, որ ամբողջությամբ կործանվի, պետականությունն էլ հետը կործանվի»,- ասաց Մարուքյանը:

Մանրամասները՝ տեսանյութում: