«Հիասթափվա՞ծ եք Օնիկ Գասպարյանից». լրագրողը՝ Վազգեն Մանուկյանին

«Մեր խնդիրն ու նպատակը վարչապետին հանելն է, որին հասնելու ենք: Ընդդիմության դիքորոշումը նույնն է: Անկախ նրանից՝ բանակը ինչ հայտարարություներ է արել, ի սկզբանե մենք հայտարարել էինք, որ մեր նպատակը Նիկոլ Փաշինյանին հանելն է»,- Բաղրամյան պողոտայում՝ պատասխանելով ԳՇ պետ Օնիկ Գասպարյանին պաշտոնանկ անելու վերաբերյալ լրագրողի հարցին, թե անընդհատ հայտարարում էիք, որ թույլ չեք տալու ապօրինություններ տեղի ունենա, բայց թույլ տվեցիք, ասաց «Հայրենիքի փրկության շարժման» վարչապետի թեկնածու Վազգեն Մանուկյանը:

«Նիկոլ Փաշինյանին թվում էր, որ եթե հանի Օնիկ Գասպարյանին, ամեն ինչ նորմալ կլինի, բայց այդպես չէ, քանի որ բանակը շարունակում է պնդել նույնը»,- շարունակեց վարչապետի թեկնածուն:

Հարցին՝ հիասթափվա՞ծ եք Օնիկ Գասպարյանից, Մանուկյանը պատասխանեց. «Հիասթափվածի հարցը ո՞րն է, ես մի քիչ ուրիշ ձև ինձ կպահեի, ինքը էդպես պահեց: Ինքը զինվորական մարդ է: Իրենք ի սկզբանե հայտարարել էին, որ չեն խառնվելու քաղաքական գործընթացներին»,- նշեց Վ. Մանուկյանը: