«Եթե երկրի նախագահը պետք է ճնշումների ենթարկվելով որոշումներ ընդունի, պե՞տք է այդ նախագահը». Վ. Մանուկյան

«Օնիկ Գասպարյանին հանելու ամենավճռական քայլը կատարեց ոչ թե Նիկոլ Փաշինյանը, այլ նախագահ Արմեն Սարգսյանը, որովհետև իր իրավասության տակ էր այդ հրամանագիրը: Այդ առաջարկությունը նա պետք է ուղարկեր Սահմանադրական դատարան, ինքը չուղարկեց»,-Բաղրամյան պողոտայում, լրագրողների հետ զրույցում ասաց «Հայրենիքի փրկության շարժման» վարչապետի թեկնածու Վազգեն Մանուկյանը՝ հավելելով, որ հետագա բոլոր գործողությունների համար նախագահն է կրելու պատասխանատվություն:

Հարցին՝ ի՞նչ եք կարծում՝ ճնշումներ եղե՞լ են նախագահի վրա, Վ. Մանուկյանը պատասխանեց. «Կարծում եմ, եղել են: Եթե երկրի նախագահը պետք է ճնշումների ենթարկվելով որոշումներ ընդունի, պե՞տք է այդ նախագահը»: