«ԳՇ պետն իր համակիրների հետ հակասահմանադրական քայլ է կատարել»․ Արմեն Գրիգորյան

«ԳՇ պետն իր համակիրների հետ իրեն դրել է Սահմանադրությունից դուրս և հակասահմանադրական քայլ է կատարել՝ միջամտելով քաղաքականությանը»,-այսօր «Սիվիլնեթ»֊ի եթերում հայտարարեց ՀՀ անվտանգության խորհրդի քարտուղար Արմեն Գրիգորյանը։
«Ի դեպ, հանրային քննարկումներում շատ է խոսվում՝ իբրև թե անվտանգության հարցերով են միջամտել և հղում են անում Սահմանադրությանը։ Ես զարմացած եմ․ Սահմանադրության մի տողն ասում է քաղաքական չեզոքություն պետք է պահպանեն, և մյուս տողն ասում է, որ անվտանգության և տարածքային ամբողջականության հարցերը պետք է լուծեն։ Ուստի, անվտագնությունը չի կարող վերաբերել քաղաքականությանը։ Անվտանգույթունը վերաբերում է տարածքային ամբողջականությանը»։
Անվտանգության խորհրդի քարտուղարի կարծիքով ՝ ԳՇ-ը չհաշվարկված քայլ է կատարել, որը չուներ, Գրիգորյանի խոսքերով, քաղաքական տրամաբանություն։
«Այս պահին մենք գնում ենք հանգուցալուծման, և շարունակաբար կատարելու ենք բանակի բարեփոխումները»,- հավելեց նա։

Մանրամասները՝ տեսանյութում։