«Ինչո՞ւ է առաջին նախագահը կարծում, որ Փաշինյանը կարող է հետապնդվել․ գուցե մի բա՞ն գիտի»․ Ն․ Հոխիկյան

Միջէթնիկ հակամարտությունների փորձագետ Նաիրի Հոխիկյանը ֆեյսբուքյան իր էջում գրել է․ «Լևոն Տեր- Պետրոսյանի համակիրներին ինչի՞ մասին է հուշում առաջին նախագահի հայտարարության այս հատվածը․ «․․․ թե՛ պետության, թե՛ ժողովրդի, թե՛ նաև անձամբ վարչապետի շահերից բխող միակ ելքն, իմ կարծիքով, վերջինիս անհապաղ և ինքնակամ հրաժարականն է և Ազգային ժողովի կողմից անձեռնմխելիության իրավական երաշխիքների ապահովմամբ, նրա, թեկուզ ժամանակավոր, ապաստանումն արտերկրում»:
Հարցեր տրամաբանելու համար․
1․ Ինչո՞ւ է Լևոն Տեր-Պետրոսյանը ԱԺ-ի կողմից անձեռնմխելիության երաշխիք պահանջում Նիկոլ Փաշինյանի համար։
2․ Ինչո՞ւ է վարչապետի գահից հրաժարվելուց հետո Նիկոլ Փաշինյանի անվտանգության համար Լևոն Տեր-Պետրոսյանը նպատակահարմար համարում նաև արտերկիրը։ Գուցե այլևս չվերադառնալու պայմանո՞վ։
3․ Ի՞նչ է նշանակում՝ պետության, ժողովրդի ու հենց վարչապետի շահերից է բխում հրաժարականը։ Ինչո՞ւ։
4․ Ինչո՞ւ է առաջին նախագահը կարծում, որ Նիկոլ Փաշինյանը կարող է հետապնդվել․ գուցե մի բա՞ն գիտի, որի մասին հանրությանը դեռևս չե՞ն ասում»։