«Լրագրողներին հանգի՛ստ թողեք». Աստղիկ Ավետիսյան

ԵՊՀ ժուռնալիստիկայի ֆակուլտետի դոցենտ, բ.գ.թ., Հայկական PR ասոցիացիայի նախագահ Աստղիկ Ավետիսյանը ֆեյսբուքյան իր էջում գրել է. «Լրագրողն իրավունք ունի հարց տալու, ինչքան էլ դա մեզ դուր չգա, պաշտոնյան՝ պատասխանելու։
Եթե պաշտոնյան չի կարող իրեն կառավարել հանրային միջավայրում, ապա իրավունք չունի այդ պաշտոնը զբաղեցնելու, ինչպես իրավունք չունի ուսուցիչ, դասախոս աշխատելու։
Այո, դժվար է հանրային կերպար լինել, դժվար է կառավարել էմոցիաներն ու վարքագիծը, բայց եթե ստանձնել եք նման բարձր պաշտոն, ապա պետք է նաև հետևեք էթիկայի կանոններին։
Լրագրողի այդ հարցին ես կպատասխանեի, որ գործնական հանդիպումներն հաճախ իրականացվում են ոչ ֆորմալ միջավայրում։ Վերջ:
Լրագրողներին հանգի՛ստ թողեք...»: