«Մեր բողոքի անհնազանդության ակցիաները շարունակվելու են». Իշխան Սաղաթելյան

ՀՅԴ ԳՄ անդամ, «Հայրենիքի փրկության շարժման» համակարգող Իշխան Սաղաթելյանն այսօր՝ լրագրողների հետ զրույցի ժամանակ հայտարարեց, որ անհնազանդության ակցիաները շարունակվելու են:

«Մեր բողոքի անհնազանդության ակցիաները շարունակվելու են, հնարավոր է մարատավարությունների փոփոխություններ լինեն, բայց խոսել էս պահին արտահերթ խորհրդարանական ընտրությունների մասին, որը, ըստ էության, գոյություն չունի. կա ընդամենը մի հայտարարություն, անիմաստ ենք համարում մտնել այդ օրակարգի մեջ»,- ասաց Սաղաթելյանը:

Նա նշեց, որ ՀՓՇ-ն կողմ է ընտրություններին, սակայն դեմ է, որ դրանք իրականացվեն Նիկոլ Փաշինյանի ղեկավարած Կառավարության կողմից: