«Քոչարյանն ու Սարգսյանը երջանիկ են, որ իրենց հակառակորդ բևեռը Փաշինյանի նման ձախողված իշխանությունն է»․ Լևոն Զուրաբյան

«Ի՞նչ վիճակ է Հայաստանի ներքաղաքական դաշտում։
Մի կողմում Փաշինյանի իշխանությունն է, մյուսում՝ ռոբասերժական թալանչիական «ընդդիմությունը», որը ընդամենը նպատակ է դրել հին, լավ կողոպուտի ժամանակները վերադարձնել։ Սա կարելի է համարել սիմբիոզ՝ համակեցություն։ Իրենք լինելով թշնամիներ՝ միմյանց կարիքն ունեն»,- «Ազատության» հետ զրույցում ասել է «Հայ ազգային կոնգրես» կուսակցության փոխնախագահ Լևոն Զուրաբյանը։

«Փաշինյանի ամբողջ հզորությունը, ուժը գալիս է ոչ թե, որ իրեն սիրում ու վստահում են՝ ինչպես երկու տարի առաջ։ Ոչ։ Ժողովուրդը հասկանում է, որ նա կառավարման անընդունակ է, բայց սարսափում է Քոչարյանի, Սարգսյանի թալանչիական համակարգի վերադարձից և ի դեմս Փաշինյանի, տեսնում է երաշխիք, որ այդ սարսափելի անցյալը երբևիցե չի վերադառնա»,- նշել է նա՝ հավելելով, որ Փաշինյանի համար շահավետ է ունենալ նման ընդդիմություն, որովհետև դա ժողովրդի մի հատվածի համախմբում է իր շուրջը։

«Մյուս կողմից Քոչարյանն ու Սարգսյանը երջանիկ են, որ իրենց հակառակորդ բևեռը Փաշինյանի նման ձախողված իշխանությունն է, որովհետև կարող են մի կողմ դնել իրենց թալանչի անցյալը և խոսել դիվանագիտական, անվտանգային սխալների մասին»,- կարծիք է հայտնել Զուրաբյանը։
Մանրամասները՝ տեսանյութում։