«Հեղափոխությունից հետո նորից գնում ենք ընտրությունների՝ Սերժ Սարգսյանի ստեղծած խայտառակ, կոռուպցիա մարմնավորող օրենքով»․ Լ․ Զուրաբյան

«Դուք պատկերացնո՞ւմ եք, Նիկոլ Փաշինյանը, երբ որ անում էր հեղափոխությունը, առաջին խոստումը և միակ խոստումը հեղափոխությունից առաջ՝ միակ գործը, ինչը որ մենք անելու ենք, մենք վերացնելու ենք այս ռեյտինգային կեղծարար, ընտրակաշառքային համակարգը և նոր ընտրությունները անցկացնելու ենք արդեն լրիվ նոր Ընտրական օրենսգրքի հիմքի վրա»,- Ազատության եթերում՝ անդրադառնալով արտահերթ խորհրդարանական ընտրություններին, Փաշինյանի՝ հնարավոր վերընտրվելուն, ասել է ՀԱԿ փոխնախագահ Լևոն Զուրաբյանը։

«Հեղափոխությունից երեք տարի հետո մենք նորից գնում ենք, արդեն երկրորդ անգամ, ընտրությունների՝ Տիգրան Մուկուչյանի Կենտրոնական ընտրական հանձնաժողովով և Սերժ Սարգսյանի ստեղծած այդ խայտառակ, կոռուպցիոն, քաղաքական կոռուպցիա մարմնավորող օրենքով՝ հակառակ նրան, որ ամբողջ հանրությունը, հասարակական կազմակերպությունները, արտախորհրդարանական կուսակցությունները, բոլորը այսօր ապստամբում են այդ գաղափարի դեմ»,- ասել է Զուրաբյանը։