Ուրբաթ, 22 սեպտեմբերի, 2023 թ.
|
Ստեփանակերտում`   +16 °C

«Իմ քայլը» ելքեր է փնտրում Ռուբեն Վարդազարյանին «բերման ենթարկելու». «Ժողովուրդ»

«Իմ քայլը» ելքեր է փնտրում Ռուբեն Վարդազարյանին «բերման ենթարկելու». «Ժողովուրդ»
238
Շաբաթ, 20 մարտի, 2021 թ., 09:33

«Ժողովուրդ» օրաթերթը գրում է. «Մարտի 23-ին Ազգային ժողովը գումարելու է հերթական նստաշրջան, որի օրակարգում ընդգրկված է 20 հարց: Այդ օրերին խորհրդարանում պետք է կազմակերպվի Վճռաբեկ դատարանի դատավորի ընտրություն, քանի որ նախորդ նստաշրջանի ժամանակ իշխող «Իմ քայլը» չմասնակցեց քվեարկությանը, և ԲԴԽ նախագահ Ռուբեն Վարդազարյանին «պատժելու» համար Արմեն Հայկյանցը և Արսեն Մկրտչյանը մերժվեցին՝ չհավաքելով բավարար թվով ձայներ:

Հիմա պիտի լինի դատավորների քվեարկության երկրորդ փուլը, սակայն որքան էլ «Իմ քայլը» ջանում է՝ կրկին Ռուբեն Վարդազարյանը ԱԺ գնա և պատասխանի իրենց հարցերին, ամեն դեպքում «ԱԺ կանոնակարգ»-ը թույլ չի տալիս:

Իշխանական պատգամավորները հիասթափված են, եղանակներ են փնտրում եւս մեկ անգամ Վարդազարյանին «բերման ենթարկելու» համար: Ամեն դեպքում, մյուս շաբաթ պատգամավորները պետք է դատավոր ընտրեն, և ինչպես արդեն տեղեկացրել էինք, Վերաքննիչ քաղաքացիական դատարանի նախագահ Արսեն Մկրտչյանը հյուրընկալվել է Նիկոլ Փաշինյանի առանձնատանը, ստացել և տվել հավաստիացումներ՝ լինելու հնազանդ և «ճիշտ» դատավոր:

Մանրամասները՝ թերթի համարում: