Արարատ Միրզոյանը առաջարկեց վերացնել ռազմական դրությունը

Այսօր՝ խորհրդարանական նիստի ժամանակ, ԱԺ նախագահ Արարատ Միրզոյանը հանդես եկավ ելույթով և առաջարկեց վերացնել ռազմական դրությունը, որի վերաբերյալ նախագիծ էր ներկայացրել ԼՀԿ-ը և ԲՀԿ-ը։

Արարատ Միրզյանի խոսքով՝ քանի որ հայտարարվել է, որ անցկացվելու են արտահերթ ընտրություններ, ապա Կառավարությունը, այսպես թե այնպես նախաձեռնելու էր վերացնել ռազմական դրությունը։ Ուստի ԱԺ նախագահն առաջարկեց ընդառաջել խորհրդարանական ընդդիմությանը և «կողմ» քվեարկել առաջարկին։

«Ես առաջարկում եմ, նաև հաշվի առնել այն հանգամանքը, որ կան քաղաքական պայմանավորվածություններ՝ երկրում ներքաղաքական որոշակի ճգնաժամը սահմանադրական և քաղաքական ճանապարհով տանելու մասին»,- նկատեց Միրզոյանը։