«Ուզում եմ հիշեցնել վարչապետի՝ ընդդիմադիր եղած ժամանակվա խոսքերը». Թագուհի Թովմասյան

Այսօր՝ ԱԺ նիստի մեկնարկին, անկախ պատգամավոր Թագուհի Թովմասյանը, ամբիոնից դիմելով ԱԺ նախագահ Արարատ Միրզոյանին, ասաց. «Ես ուզում եմ անդրադառնալ Կառավարության երեկվա վարքագծին: Դուք առնվազն պիտի միջամտեիք, երբ Կառավարությունը մեր՝ երեք անկախ պատգամավորների հարցերին քմահաճ ձևով չպատասխանեց»:
Պատգամավորի համոզմամբ՝ դա «Իմ քայլից» դուրս եկած պատգամավորների նկատմամբ դիտավորյալ վերաբերմունք է: «Ես ուզում եմ հիշեցնել վարչապետի՝ ընդդիմադիր եղած ժամանակվա խոսքերը, երբ ասում էր՝ աշխարհի որ ծայրում, ինչ պայմաններում էլ լինեք, Կառավարության անդամներդ պարտավոր եք գալ և պատասխանել պատգամավորների հարցերին»: