«Երբ դուրս չեք գալիս պայքարի, մնում ենք տանը, ամեն օր թուրքը ավելի է մոտենում ձեր տանը». Գեղամ Մանուկյան

Այսօր՝ մարտի 28-ին, Դեմիրճյանի փողոցում «Հայրենիքի փրկության շարժման» հանրահավաքի ընթացքում ՀՅԴ անդամ Գեղամ Մանուկյանը հայտարարեց, որ ինչպես նախորդ շաբաթներում եղավ, երբ «Նիկոլ Փաշինյանը գաղտնագողի, հետնամուտքերով է շենքեր մտնում, այդպես լինելու է այնքան ժամանակ, քանի դեռ նա նստած է վարչապետի աթոռին»:

«Բոլոր մեր այն հայրենակիցները, որոնք լռել են, շարունակում են մնալ տանը, բայց շարժման ղեկավարներին ասում են՝ երբ եք սրան լարելու, ասեմ՝ ամեն օր, երբ դուք դուրս չեք գալիս պայքարի ու մնում ենք տանը, ամեն օր թուրքը ավելի է մոտենում ձեր տանը: Մտածեք, նստում եք տանը, դուռը բացելու եք ու թուրքին դիմավորեք, ոտքի կանգնելն ամեն մեկի պարտքն է: Տանը մնալով ու ասելով, թե սրան ե՞րբ եք լարելու՝ դուք թուրքին չեք հեռացնում Հայաստանից»,- ասաց Մանուկյանը: