«Ավարտվել է պատերազմը, հակամարտությունը չի ավարտվել». Արա Այվազյան

ԱԺ արտաքին հարաբերությունների մշտական հանձնաժողովի արտահերթ նիստում արտգործնախարար Արա Այվազյանը հանդես եկավ հետևյալ հայտարարությամբ. «Մի կողմից Ադրբեջանը ցանկանում է միջազգային հանրության մոտ ստեղծել տպավորություն, որ հակամարտությունն ավարտված է, հարցը լուծված է, իրենք պատրաստվում են խաղաղության, բայց մյուս կողմից խոսքերն ու գործերն ապացուցում են ճիշտ հակառակը: Ինչու է նման հայտարարություններ անում, պարզ է՝ Ադրբեջանի նախագահը հեռուն գնացող նպատակներ ունի, բայց իրականությունն այդպես չէ: Ավարտվել է պատերազմը, հակամարտությունը չի ավարտվել ու որպեսզի տարածաշրջանությում իրապես ձևավորվի կայունության, անվտանգության, խաղաղության մթնոլորտ, պետք է անպայման հասցեագրել ԼՂ հակամարտության ամենաառանցքային տարրը՝ դա ԼՂ կարգավիճակի հարցն է, որը պետք է խարսխված լինի Արցախի ժողովրդի ինքնորոշման իրավունքի վրա ու որպեսզի դրան հասնենք, որը երկար ու դժվար գործընթաց է. պետք է վերականգնել վստահության մթնոլորտը»: