Խաչատուրովը, Ս. Օհանյանն ու նրանց պաշտպանները լքել են նիստերի դահլիճը․ կրկին ընդմիջում հայտարարվեց

Ռոբերտ Քոչարյանի և մյուսների գործով ընթացող այսօրվա նիստին, ընդմիջումից հետո, Յուրի Խաչատուրովը, Սեյրան Օհանյանն ու նրանց պաշտպաններ Միհրան Պողոսյանն ու Կարեն Մեժլումյանը չներկայացան նիստերի դահլիճ։
Ռոբերտ Քոչարյանի պաշտպան Հայկ Ալումյանի խոսքով՝ փաստաբանները չեն ներկայացել, քանի որ գտնում են, որ իրենց պաշտպանյալների նկատմամբ ապօրինի հետապնդում է իրականացվում։

«Մինչև չներկայանան բացակայող անձինք, միջնորդությունների քննարկումը չի շարունակվի»,- ասաց նիստը նախագահող դատավոր Աննա Դանիբեկյանը՝ կրկին հայտարարելով ընդմիջում: