«Մինչև ընտրությունները կարող է մի խումբ ռազմագերիներ վերադարձվեն». Էդմոն Մարուքյան

«Գերիների հարցով ես սպասում ունեմ, որ մինչև ընտրություններն էլի կունենանք նորություն: Կան նման խոսակցություններ, այսինքն՝ վերջնական ոչ մի բան չկա, բայց ես նման սպասում ունեմ, որ մինչև ընտրությունները կարող է մի խումբ ռազմագերիներ վերադարձվեն, բայց դա խնդրի ամբողջական լուծում չէ, որովհետև ո՛չ մեզ թիվ են ասում, ո՛չ հաստատում են՝ քանի մարդ են, ո՛չ հաստատում են՝ որտեղ են պահվում»,- Եռաբլուր զինվորական պանթեոնում լրագրողների հետ զրույցում ասաց «Լուսավոր Հայաստան» կուսակցության ղեկավար Էդմոն Մարուքյանը՝ անդրադառնալով գերիների հարցին: Նա նշեց, որ միջազգային հարթակներում իրենք այս ուղղությամբ անդադար աշխատանքներ են իրականացնում. «ԵԽԽՎ-ի ֆորմատով, գիտեք, ես ներգրավված եմ, բոլոր նիստերի թեման դա է»: