«Ուկրաինայում իրավիճակի լարումը Հայաստանից պահանջում է մեծ ուշադրություն»․ Հակոբ Բադալյան

Քաղաքական մեկնաբան Հակոբ Բադալյանը ֆեյսբուքյան իր էջում գրել է․ «Ուկրաինան թվում է մեզանից հեռու, բայց հեռու-մոտիկ էս առումով չկա, հատկապես, որ մենք Ուկրաինա, Վրաստան, Հայաստան-Արցախ կորի վրա ենք: Էս կորի վրա չկա լարվածության առանձին կետ կամ օջախ: Էս կորը տևական ժամանակ եղել է Արևմուտք-Ռուսաստան հարաբերության որոշակի բուֆեր կամ պոլիգոն, կախված իրավիճակից: Հիմա ավելի շատ վերածվում է Պոլիգոնի, բայց որն Արևմուտքը իր մասով «վարձակալության» է տվել կամ տալիս Թուրքիային: Ու սա մի մեխանիզմ է, որի դեմ ռուսական քաղաքականությունն այժմ չունի ավելի էֆեկտիվ լուծում, քան թուրքերի հետ պայմանավորվելը: Ուկրաինայում իրավիճակի լարումը Հայաստանից պահանջում է մեծ ուշադրություն»: