«Այն, ինչ եղավ, խոսում է երկչոտ, անկարող իշխանության մասին»․ Արման Բաբաջանյան

«Այն, ինչ եղավ, խոսում է երկչոտ, անկարող իշխանության մասին»,- այսօր՝ լրագրողների հետ ճեպազրույցում անդրադառնալով Ռոբերտ Քոչարյանի և մյուսների նկատմամբ 300․1 հոդվածով քրեական հետապնդումը դադարեցնելու դատարանի որոշմանը՝ նշեց ԱԺ անկախ պատգամավոր Արման Բաբաջանյանը։

Նրա խոսքով՝ դատական համակարգը դիրքավորվել է գործող քաղաքական միջավայրին համապատասխան։

«Մենք ակնհայտորեն տեսնում ենք, որ ՍԴ-ը, դատական համակարգը և, իհարկե, իրավապահ համակարգի ինստիտուներ ցույց են տալիս, թե հանցավոր համագործակցությամբ ինչպես են ընդունակ տեղի ունեցած սահմռկեցուցիչ հանցագործությունը տապալել, երբ կա հանցանքը, բայց չկա հոդվածը»,- ասաց Բաբաջանյանը։

Պատգամավորը նկատեց, որ կա 85 հատոր քրեական գործ, որտեղ, նրա խոսքով, ահռելի վկայություններ կան արդեն անմեղ ճանաչված Ռոբերտ Քոչարյանի հանցակցության վերաբերյալ։