«Օնիկ Գասպարյանն իր վրայից փորձեց մաքրել ռազմական խայտառակ պարտության արյունը». Միքայել Մինասյան

«Օնիկ Գասպարյանն արեց աշխարհի միակ օնլայն ռազմական հեղաշրջումը՝ տենց բան չի եղել, երբ ինտերվյուներով հեղաշրջում անես»,- այսօր՝ հարցազրույցի ժամանակ, հայտարարեց Վատիկանում ՀՀ նախկին դեսպան Միքայել Մինասյանը։
«Իրականում ես չեմ մտնում իրավական թեմայի մեջ, բայց երբ ԳՇ պետն իր անհամաձայնությունն է հայտնում քաղաքական ղեկավարությանը և կոչ է անում հեռանալ իշխանությունից, դա այդքան էլ հեղաշրջում չէ, բայց այդքան էլ պարկեշտ պահելաձև չէ»,- նշեց նա։
«Այդ ժամանակ ընդդիմությունը միանգամից գնաց և պալատկաները շարեց Բաղրամյանի վրա, որովհետև Օնիկ Գասպարյանը, ժամանակակից լեզվով ասած, արտադրեց կոնտենտ»,- նկատեց Մինասյանը։
«Բոլորս սկսեցինք խաբել մեզ, որ, ա՛յ, հիմա Օնիկ Գասպարյանը... Առանց հիշելու, թե ինչու դա արեց»,- ասաց Միքայել Մինասյանը՝ նշելով, որ Օնիկ Գասպարյանն իր վրայից այդկերպ մաքրեց ռազմական խայտառակ պարտության արյունը, կամ փորձեց մաքրել։