«Մեկնաբանություն չունեմ». Մանե Գևորգյանը՝ «գերիների վերադարձի» վերաբերյալ հարցին

Կառավարության մոտ անհետ կորած զինծառայողների և գերիների հարազատների բողոքի ակցիայի ընթացքում Նիկոլ Փաշինյանի մամուլի խոսնակ Մանե Գևորգյանը՝ անդրադառնալով գերիների վերադարձի վերաբերյալ իր կողմից տված հաստատմանն ու վերադարձի հետաձգմանը, ասաց, որ մեկնաբանություն չունի:

Նա չպատասխանեց հարցին, թե արդյոք չի՞ պատրաստվում հեռանալ աշխատանքից: Մանե Գևորգյանը չմեկնաբանեց նաև Ռուստամ Մուրադովի հայտարարությունը, որ ՀՀ պաշտոնյաները մոլորեցնում են բնակչությանը։