«Դուք ձեզ Նիկոլ Փաշինյանի ուսապարկ համարո՞ւմ եք». լրագրողը՝ պատգամավորին

«Իմ գրոտեսկային համեմատությունը վերաբերել է մի պատգամավորի, ով դավաճանել է իր քաղաքական թիմին, այն ընտրողներին, ովքեր իրեն ձայն էին տվել՝ լինելու նեցուկ այս քաղաքական թիմին»,- ԱԺ-ում լրագրողների հետ զրույցում ասել է «Իմ քայլը» խմբակցության նոր պատգամավոր Վահագն Ալեքսանյանը՝ անդրադառնալով իր աղմկահարույց գրառմանը ու լրագրողի՝ «Դուք ձեզ Նիկոլ Փաշինյանի ուսապարկ համարո՞ւմ եք» հարցին: «Եթե ես դավաճանեմ իմ քաղաքական թիմին և այն ընտրողներին, ովքեր ինձ ձայն են տվել ու բերել-հասցրել են Ազգային ժողով, կարծում եմ՝ նման գրոտեսկային համեմատությունը տեղին կլինի նաև իմ նկատմամբ ու ցանկացածի նկատմամբ: Քաղաքական դավաճանությունը ևս դավաճանություն է»,- հավելել է նա: