«Հայոց պատմության մեջ մեծագույն դավաճանը նախաձեռնում է հայկական բանակի ոչնչացումը». Հայկ Մարտիրոսյան

Քաղաքագետ Հայկ Մարտիրոսյանը ֆեյսբուքյան իր էջում գրել է․ «Հայոց պատմության մեջ մեծագույն դավաճանը նախաձեռնում է հայկական բանակի ոչնչացումը: Նպատակը՝ իրականացնել թուրքական ևս մի երազանք՝ Հայաստանի մնացած վերջին հատվածը դարձնել անխնդիր կլանելի:

Դրա վկայությունն է դավաճանի արած հայտարարությունը զորակոչի և փաստացի բանակի կազմալուծման մասին: Պատահական չէ, որ այս օրերին անընդհատ խոսվում է «բանակի արդիականացման» մասին, որի մանրամասներն էլ իբրև թե քննարկվում են և որը պետք է տեղի ունենա Ռուսաստանի հովանու ներքո:

Իրականում Մոսկվան ևս մեկ նվիրատվական քայլ է անում Թուրքիային՝ հիմա էլ բանակը կազմալուծելով և կապիտուլյանտին հովանավորելով անել այն, ինչ նրան, ամենայն հավանականությամբ, նաև ուղղակի պատվիրել են նրա հայրենի իշխանությունները՝ Անկարայի և Բաքվի վարչակազմերը:

Ամոթի վեց ամիսներից հետո հիմա էլ պայծառ ապագայի մասին զազրախոսություններով թևակոխենք նոր փուլ՝ ամոթի նոր շրջան, որում լուռ հետևելու ենք թե հիմա էլ ինչպես է քանդվում Հայաստանի միակ հենքն ու հիմքը՝ առանց այդ էլ դավադրաբար և թիկունքից զարնված հայկական բանակը:

Ծրագիր ունի՝ պետք է կատարի: Մենք էլ հետևենք: Ոչինչ, որ վաղը Երևանում հայկական զորքերի փոխարեն թուրքական բանակն է լինելու»: