«Վարչապետն ասում է՝ ես ձեզ աշխատանքից ազատում եմ, որովհետև այդպես եմ ուզում». Արամ Օրբելյան

«Ազատության» «Ֆեյսբուքյան ասուլիսի» եթերում այսօր փաստաբան, երկրորդ նախագահ Ռոբերտ Քոչարյանի պաշտպաններից Արամ Օրբելյանը, պատասխանելով հարցեին, թե լինելով ԶՈՒ Գլխավոր շտաբի նախկին պետ Օնիկ Գասպարյանի փաստաբանը՝ արդյոք չի՞ կարծում, որ Գասպարյանի հայտարարությունը՝ վարչապետի հրաժարականի պահանջելու մասին, քաղաքական էր, ինչն արգելվում է, պատասխանել է. «Կա աշխատանքից ազատելու գործընթաց, որի շրջանակներում պարունակական պատճառը կարող է դա, քննարկում են, որ դա է, բայց որևէ ձև դրա վրա ես հղում չեմ տեսնում, այսինքն՝ չկա գործընթաց, որ այս անձը կատարել է քաղաքական հայտարարություն:

Մենք ունենք հետևյալ կառուցակարգը՝ վարչապետն ասում է՝ ես ձեզ աշխատանքից ազատում եմ, որովհետև այդպես եմ ուզում, 2018-ին ես օրենքում գրել եմ, որ երբ ուզեմ, ձեզ կարող եմ աշխատանքից ազատել, դուք էլ չեք կարող քննարկել: Սա պարզեցված ձևով մոտավորապես իրենց պնդումն է ...: Մենք ասում ենք՝ չի կարող իրավական երկրում լինել գործընթաց, վարչապետը չլինի, ով ուզում է՝ լինի, որ ասի՝ ես ուղղակի երբ որ ցանկանամ քեզ աշխատանքից հանեմ, հանեմ, կան պաշտոններ, որ այդպիսին են, դրանք քաղաքական պաշտոններ են»:

Հարցին՝ դա քաղաքական հայտարարությո՞ւն է, թե՞՝ ոչ, նա պատասխանել է. «Այդ հայտարարությունը ես ինքս որպես այդպիսին չեմ գնահատել, իր մեջ կարելի է դիտել որոշակի քաղաքական էլեմենտներ, կարելի է չդիտել որոշակի քաղաքական էլեմենտներ»:

Մանրամասները՝ տեսանյութում: