«Հայհոյանքը քաղաքական միջավայրում ծայրահեղ դեպրեսիայի և ճնշվածության նշան է». Հայկ Մարտիրոսյան

Քաղաքագետ Հայկ Մարտիրոսյանը ֆեյսբուքյան իր էջում գրել է․ «Հայհոյանքի անթույլատրելիության մասին ճամարտակող՝ իրենց քաղաքակիրթ համարող երեսպաշտները նախքան դրա մասին արտահայտվելը, գրելն ու հարցազրույց տալը պետք է հասկանան, որ երբ հայհոյանքը զանգվածային բնույթ է ստանում՝ դա արդյունք է հասարակական հուսահատության, հուսալքության և անելանելիության զգացողության: Նաև՝ արդարություն գտնելու անհնարինության հետևանք է դա և գոնե ինչ-որ կերպ՝ գոնե բառային վրեժի լուծման դրսևորում:
Հայհոյանքը քաղաքական միջավայրում ծայրահեղ դեպրեսիայի և ճնշվածության նշան է, որն էլ նշանակում է, որ նա ով հանդիսանում է այդ հայհոյանքի հասցեատերը՝ լիովին արժանի է դրան:
Քստմնելի են երկրի և ժողովրդի կործանման պարագայում հրդեհին սպիտակ շապիկով և սպիտակ ձեռնոցներով հետևողներն ու կողքից քաղաքակրթվածորեն այրվելու խորհուրդ և խրատ տվողները և արևելյան այն կեղծախոսությունն ու կեղծ բարեպաշտությունը, որ այնքան խորն արմատացած է մեզանում»: