«Ահա այսպես հանձնվում և նվիրվում է Սյունիքը»․ Հայկ Մարտիրոսյան

Քաղաքագետ Հայկ Մարտիրոսյանը ֆեյսբուքյան իր էջում գրել է․ «Լուսանկարն իրոք արված է Սոսիների պուրակում։ Դա նախկին Հայկական ԽՍՀ տարածքում գտնված Հայաստանի Հանրապետության տարածք է։ Այն երբևէ չի եղել Խորհրդային Ադրբեջանի կազմում։ Երբևէ։ Դա արտացոլված է նաև Գուգլի քարտեզներում՝ որպես Հայաստանի ներկա մաս։ Նույն այն քարտեզում, որին հաճախ սիրում են հղումներ անել թե՛ ադրբեջանցիները և թե՛ մեր տեղական դավաճանները։
Ալիևները հրապարակել են լուսանկար՝ այդ տարածքից։ Իսկ դա նշանակում է, որ տարածքը նիկոլ փաշինյանը ոչ միայն նվիրել է Ալիևին, այլև նվիրել է ավելին։ Եթե պուրակը ուղիղ նոր և ապօրինի սահմանին լիներ՝ անվտանգության նկատառումներից ելնելով՝ Ալիևը, այնուամենայնիվ, չէր այցելի այդ վայր։ Իսկ դա իր հերթին նշանակում է, որ Ալիևին է հանձնվել առավել մեծ տարածք այդ հատվածում և Սոսիների պուրակը հայտնվել է ադրբեջանական ապահով թիկունքում։
Ահա այսպես հանձնվում և նվիրվում է Սյունիքը՝ այսօրվա Հայաստանի սիրտը»։