Ուրբաթ, 14 մայիսի, 2021 թ.
|
Ստեփանակերտում`   +14 °C

«Մամուլի և լրագրողների աշխատանքը պետք է լինի ազատ ու պաշտպանված». Բաբաջանյան

«Մամուլի և լրագրողների աշխատանքը պետք է լինի ազատ ու պաշտպանված». Բաբաջանյան
50
Երկուշաբթի, 03 մայիսի, 2021 թ., 09:52

ԱԺ պատգամավոր Արման Բաբաջանյանի գրառումը. «Այսօր մամուլի ազատության օրն է։
Ազատ և անկախ լրատվամիջոցը ժողովրդավարական ցանկացած հասարակության կենսունակության և ժողովրդավարական վերափոխման շարժիչն է։ Միևնույն ժամանակ ապատեղեկատվությունն ունի ժողովրդավարական գործընթացների և հանրային բանավեճերի վրա բացասաբար ներազդելու մեծ ներուժ։
Հայաստանում համավարակի պայմաններում և պատերազմից հետո ստեղծված դժվարագույն պայմանները հրամայական են դարձնում լրագրողական պրոֆեսիոնալ, բարեխիղճ աշխատանքը և քաղաքացիների լիարժեք և անկողմնակալ իրազեկումը։
Մամուլի և լրագրողների աշխատանքը պետք է լինի ազատ ու պաշտպանված։ Միայն այդպես է հնարավոր երաշխավորել յուրաքանչյուր մարդու խոսքի ազատության իրավունքը և, ի վերջո, պետության նկատմամբ քաղաքացու լիարժեք վերահսկողությունը։
Շնորհավորում եմ գործընկերներիս մասնագիտական տոնի առթիվ»։