«Ոստիկանները հայ ժողովրդին «կալցո»-ի մեջ են առել՝ Լավրովին պաշտպանելու համար». Վահագն Ավագյան

Քիչ առաջ Գարեգին Նժդեհի արձանի հարևանությամբ ընդդեմ Լավրովի այցի իրականացվող բողոքի ակցիայի ժամանակ վիճաբանություն տեղի ունեցավ Ազգային ժողովրդավարական բևեռի անդամների և ոստիկանների միջև:

«Այդ ոստիկանները Լավրովի պլանի համապատասխան պատերազմի ժամանակ փախել էին, զենքերը վայր էին դրել և էսօր եկել են էստեղ Լավրովին հայ ժողովրդից պաշտպանելու համար: Հայ ժողովրդին «կալցո»-ի մեջ են առել՝ Լավրովին պաշտպանելու համար»,- հայտարարեց ԱԺԲ անդամ Վահագն Ավագյանը:

Նա հայտնեց, որ ոստիկաններն ԱԺԲ-ին խնդրում էին, որ չվիրավորեն իրենց. «Եթե դա վիրավորում է ոստիկանությանը, ուրեմն դուք ձեր տեղում չեք, հարգելիներս: Մենք իրականությունն ենք ասում, եթե դա ձեզ համար վիրավորական է, ուրեմն փոխեք ձեր կյանքը»,- հայտարարեց Ավագյանը: