«Հրապարակ ենք գալիս ոչ միայն Սյունիքի, այլ ողջ Հայաստանի վերածննդի ու հզորացման նպատակով». Վահե Հակոբյան

«Արցախին արդեն իսկ հասցրած վնասներին զուգահեռ, այս իշխանությունները իրական սպառնալիք են ստեղծել Հայաստանի ողնաշարը համարվող Սյունիքի համար»,- այսօր՝ ելույթի ժամանակ հայտարարեց «Վերածնվող Հայաստան» կուսկացության նախագահ Վահե Հակոբյանը։

««Վերածնվող Հայաստան» կուսակցության կորիզը Սյունիքի համայնքների ղեկավարներն են, մարդիկ, որոնք մինչև պատերազմը, պատերազմի ընթացքում, ու դրանից հետո էլ արել են և անում են ամեն ինչ Սյունիքի ու Արցախի անվտանգության համար։ Մենք մեր ակունքներով սյունյաց կուսակցություն ենք, սակայն մեր գաղափարներով ու ծրագրերով համապետական քաղաքական ուժ ենք, և մենք հրապարակ ենք գալիս ոչ միայն Սյունիքի, այլ ողջ Հայաստանի վերածննդի ու հզորացման նպատակով։ Մենք հասկանում ենք, որ Հայաստանին պատած աղետի ծավալներն ու խորությունն այնպիսին են, որ որևէ ուժ ունակ չէ միայն երկիրը դուրս բերել այս իրավիճակից, մենք գիտակում ենք, որ դրա համար անհրաժեշտ է իրական սիներգիա, այսինքն՝ քաղաքական առողջ ուժերի միավորում՝ ի շահ հայոց աշխարհի։ Այդ պատճաոռվ մենք որոշեցինք հանդես գալ դաշինքով ՀՅԴ–ի ու ՀՀ երկրորդ նախագահ Ռոբերտ Քոչարյանի հետ»,- ասաց նա։