«Թուրք-ադրբեջանական ագրեսիայի հետևանքները նա ընդունում ու պարտադրում է նաև հայկական կողմին». Արթուր Ղազարյան

Ծրագրավորող, մաթեմատիկոս Արթուր Ղազարյանը ֆեյսբուքյան իր էջում գրել է․ «Լավրովը այցելեց Երևան ու Բաքու։ Երևանում նա ցինիկաբար ժխտեց Մինսկի խմբի ապրիլյան հայտարարությունը, թե Արցախի հարցը դեռ պետք է լուծվի։ Լավրովը ասեց՝ ոչ, նոյեմբերին ստորագրվածից ենք մենք այսուհետ ելնում, և ոչ մի քաղաքականացում Ղարաբաղի հարցի չենք ընդունում։
Մինսկի խումբը ըստ նրա պետք է գործի միայն առկա իրողություններն ընդունելով։
Լավրովը ցինիկաբար Երևանում հայտարարեց, թե Ղրիմը ռուսները ճանաչել են՝ ուկրաինական ուժային ագրեսիան կանխելու համար։
Սակայն թուրք-ադրբեջանական ագրեսիայի հետևանքները նա ընդունում ու պարտադրում է նաև հայկական կողմին։
Սա է՞ մեր դաշնակիցը, ով մեր թշնամու շահն է պաշտպանում»։