«Իրադարձությունները կարող են սրընթաց զարգանալ Իրանում». Արման Մելիքյան

Արցախի նախկին արտգործնախարար Արման Մելիքյանը ֆեյսբուքյան էջում գրել է. «Հայաստանի հանդեպ Սյունիքի գոտում թուրք-ադրբեջանական ռազմական ագրեսիայի հնարավորությունը կարող է ռազմաքաղաքական նոր իրավիճակ ձևավորել նաև Իրանի հյուսիսային նահանգներում՝ տեղի կենտրոնախույս թյուրք-ազգայնական ուժերին ընդդեմ գործող իշխանությունների ոտքի հանելու համատեքստում: Իրադարձությունները կարող են սրընթաց զարգանալ Իրանում հունիսի 18-ին կայանալիք նախագահական ընտրություններին նախորդող օրերին և լավ կլինի, որ վերը ասվածի համատեքստում ՀՀ իշխանությունները պատշաճ աչալրջությունը դրսևորեն:

Հայաստանն այսօր ժամանակավորապես գտնվում է ծավալուն աշխարհաքաղաքական փոփոխությունների գործընթացի էպիկենտրոնում՝ Մերձավոր Արևելքում սկիզբ առած բռնության ալիքը մեզ հասավ անցյալ տարվա սեպտեմբերին և դեռ որոշ ժամանակ մենք մնալու ենք այդ գործընթացի պատանդը: Հավանաբար զուգահեռ կերպով՝ մի կողմից Իսրայելը մոտակա ամիսների ընթացքում կձգտի փակել Պաղեստինի հարցը, իսկ մյուս կողմից նախադրյալներ կստեղծվեն Իրանում կղերապետության ոչնչացման և գաղափարական նոր հիմքի վրա իշխանություն ձևավորելու համար: Հայաստանը ստիպված է լինելու նաև այս ամենից իր համար առաջացող մարտահրավերներին բախվել»: