«Միշիկն, աչքիս, կառավարական դաչայի խոհարարն է դարձել». Սյուզաննա Սիմոնյան

Նախկին ՀԽ մամլո քարտուղար Սյուզաննա Սիմոնյանը ֆեյսբուքյան իր էջում գրել է. «Ժուկ ու ժուչոկ Միշիկը խայծը գցեց, ժողովրդին խառնեց, կրքերը բորբոքեց, ԱԺ-ն հրատապ կայծակնային նիստ հրավիրեց, քննարկեցին, քննարկեցին, վերջում ծանր ու մեծ Նիկոլն եկավ ու խոսեց։ Երդում֊պատառ, թե բա՝ էդ անամոթ Միշիկը ձեզ թղթի կեսն է ցույց տվել։ Սա էլ հաջորդ կեսը։ Հող հանձնելու թո՞ւղթ է սա, խոսք կա՞։ Չկա։ Ու բոլորը սսկվեցին։
Երկնքից ընկավ երեք խնձոր։ Մեկը՝ խայծը գցող Միշիկին, մյուսը՝ դրանից օգտվող ու իր վրայի փոշին թափ տվող Նիկոլին, երրորդը՝ խայծը կուլ տված միամիտներին ու աֆերիստ միամիտներին, որ փողոցում փողոց֊փողոց խաղացին ու այսօր էլ կնստեն տանը կհանգստանան։
Միշիկն, աչքիս, կառավարական դաչայի խոհարարն է դարձել։ Պաշտոնը բարձրացրել են»: