«Ադրբեջանը կարող է բարդ գործընկեր լինել Միացյալ Նահանգների համար, այն ժողովրդավարական երկիր չէ»․ Փոլ Սթրոնսկի

«Վերջին մի քանի ամիսներին ձեզ մոտ քաղաքական ճգնաժամ է։ Կարծես թե այդ ճգնաժամը լուծում է ստանում հենց երկրի ներսում․ ընտրություններն են մոտենում»,- Հայաստանի մասին այսօր՝ Հայ-ամերիկյան քաղաքագիտական առաջին ֆորումի ժամանակ, տեսակապի միջոցով ասաց Քարնեգի հիմնադրամի ավագ գիտաշխատող Փոլ Սթրոնսկին։

Անդրադառնալով մեր տարածաշրջանի և ԱՄՆ-ի միջև հարաբերություններին՝ Սթրոնսկին ասաց․

«Կարծում եմ, որ Վրաստանը, ամենայն հավանականությամբ, լինելու է ԱՄՆ ամենակարևոր գործընկերը տարածաշրջանում։ Ինչ վերաբերում է Ադրբեջանին, վերջինը կարող է բարդ գործընկեր լինել Միացյալ Նահանգների համար, այն ժողովրդավարական երկիր չէ»։