«Մեզ հարցնում են՝ հնարավո՞ր է ՀՀ-ում ձևավորել մի ուժ, որը կապված չէ որևէ օլիգարխի հետ». Կարին Տոնոյան

«Մեզ հիմա համոզում են, որ ՀՀ-ում այլևս չկան նժդեհներ, մոնթեներ, չկան այն 5000 զինվորների նմաններ, որոնք պատրաստ են իրենց կյանքը տալու հայրենիքին: Դուք հավատո՞ւմ եք դրան, իհարկե՛, ոչ»,- այսօր բողոքի ակցիայի ժամանակ ելույթի սկզբին ասաց «5165» շարժման առաջնորդ Կարին Տոնոյանը:

«Մեզ հարցնում են՝ մ՞իթե հնարավոր է Հայաստանում ձևավորել մի ուժ, որը կապված չէ որևէ օլիգարխի հետ ...: Ես ուզում եմ խնդրել բոլորդ՝ մի՛ վիրավորեք ինքներդ ձեզ, մի՛ վիրավորեք մեր ազգին: Իհարկե՛ կան, մեր ժողովուրդը կարող է և ի զորու է ծնել այն զավակներին, որոնք միշտ պատրաստ կլինեն պայքարելու և՛ ներքին թշնամու դեմ, և՛ արտաքին: Դրա վկայությունը մենք ենք՝ մայրերս, որոնք դաստիարակել են այդպիսի զավակներ: Մայրեր, ովքեր իրենց ամենաթանկին չեն խնայել ամենաթանկի համար: Էլ ի՞նչ ունենք կորցնելու, եթե հայրենիքն ենք կորցնում»,- ասաց Կարին Տոնոյանը: